Verhalen en gedichten in het dialect.
Hoewel wij helaas geen werkgroep dialect "d'r Platkloeb" meer hebben schenken wij toch regelmatig aandacht aan het dialect. Bij veel bijeenkomsten wordt dialect gesproken. Ook hebben wij meegewerkt aan de uitgifte van enkele dialectboeken van Jean Paulssen.
Dit fraaie boek is nog te koop voor 5 euro per stuk.
Mieng mam
Mieng mam die d'r zes keenger hat m'ótte sjoefte
Va groeët bis kling
Woar vroeë went ze 't saovends i gebed loog
want mörge weëd 't van alling
weësje, poetse, koake. Jong dat geet dich in de knoake
Ee lientje had ze noeëts gekrieëge
Sjtóng waal v'r gidderinne kloar\Vieë zaagte: mam bis sjtil mesjien krieste ee 't anger joar
't Anger joar is v'r de mam noeëts mieë gekoame
't Hergötje is hör ieëder kome hoale
Noe sjteet ze in der hieëmel graat wie dat óp de weld
Al weër ... v'r gidderinne kloar.
Uit: Sjef Erens Nuijenhaags.
Der Sjeet (Schaesberg)
Wen ich zoë in 't book Alles um der Sjeet bin aan 't blaare,
bin ich vroë dat me op zoëing maneer dinger van vreuger kan beware.
Dan zien ich gebouwe woa ich erin en eroet bin gelope
en woa de here van de geminde meenete dat ze die beëter koëte slope.
Zoë hant ze mit en mit der ouwe Sjeet aafgebroake
en um volgens höhn in ee neuj jeske gestooke.
Dat jeske liekt och wer oet der moëde, want ze breëke wer aaf wat
vuur viëtig joar teruuk gebouwd is woede.
Woa schun boerderije gestaange houwe,
doa goonge ze Achter de Winkel bouwe,
't schient dat dat och al zie geld op gebracht hat,
want dat likt ongertussche och al ee paar mond plat.
Noen koome wer ueveraal appartemente
alling is 't de kunst um luuij te vinge mit cente.
En biste dan in zoë dink goa woëne,
daan mis doe der gaat mit de slaat en de frische boëne.
Uit: Verhoale van vrueger uever d'r Lichtemich van Huub Erkens.
Mieng Sjtad
Tusje busj greun weie,
kiekt d'r watertoere uuver 't land.
Ziet ing baak en landerije,
en de hei mit glinsterend zilverzank.
Heë huuet de klokke, de sjutterij,
en dinkt: In Landgraaf doa moste zieë.
Mieng sjtad broeest van 't leëve,
Joa, mieng sjtad hat alles wat ich wil.
Mieng sjtad die hat karakter
is modern, en hei en doa och sjtil.
En wen ich 's aovends ing rungde loop,
Dink ich: In Landgraaf doa is 't good.
Van 't Iksjke bis in Rimburg,
van d'r Sjeet bis an de duutsje grens,
likt ing plek um good te leëve,
likt ing plek woa ste van alles kins
Oeet drei kling dörper gruijde ing sjtad
Dat is mie Landgraaf, dat is ming sjtad.
Tekst Frans Bremen en Ton Verhiel.
Op de Kamp
Oeht i gene Kamp is Op de Kamp gegrujd
Voël dink - en hankwerk woae doamit gemujd
't Woeët ing mini-sjtad!
De pliesse, die zint doa en wake
Uvver good en geld en anger zake ...
Tenminste, ze probére dat ...
Woeë vreuger bungelkes gehange,
Woeë kroeëte i ge veld gesjtange,
Is hoehs aa hoehs gebówd.
De sjtroat van Bach, va Mozart, Paganin,
Va Beethoven, Verdi en Rosinni ...
't klinkt al gans vertrówd.
Auto-vri-je uvverdekte winkelsjtraote,
Sjops en boetieks in alle soate ...
An gin ziej va d'r plei:
't Gemindehoehs, de zieël, 't hat
van al, wat Lankgraaf noe te bi-jje hat.
Uit: Nostalgie van E. Mofers
De Waarder Nachtegaal
Beij ut kapelke an d'r Waarders
Schloog nog laat d'r nachtegaal
Schterre schtonge an de dekke
Van d'r hoeëge hieemelzaal.
Schimme gonge durch de velder
Krom gewirkt of jonk en sjterk
Op vreijersveut of op d'r handel
Mit deupeling of mit de zerk.
Wat groeët wor is al lang vergange
En wat klee wor woeët heij groeët
Dronk van ut leeve vol verlange
Kroog zien deel en vong d'r doeët.
Doe, deeje koestert noae ut fleute
Van d'r zenger van de nach
Bis fleich morge, wie die angre
Och al op de school gelag.
Door Karel Specker.
Op weëg
Voetrenne wil ich, oet de daag
oet de drukte, toervel van dis tied
en mich gans sjtil wage
zeuke, noa Hem, deë koam van wied.
Dis kieër mót ich Hem vinge
nieks, dat mich teëgehouwe zal
nieks en nieëmesj kan mich binge
óp d'r wegnoa krib en sjtal.
Óp deë weg van richting vas geleuve
mit de pieng van de ganse welt
dwingt dat kink mich óm te lieëre
van zieng belofte , al zoeë döks verteld.
Och doe doa, sjtón óp en loester
geleuf in Hem, kóm óp vuur recht
kóm vanoet d'r duuster in zie helder licht
en volg Hem óp deë lange, sjwoare weg.
Door Jean Paulssen Krisgedanke 2015